احبك موت يالي ساكن وسط قلبي

أحــــبـــــك موووت ياللي سكن وسط قلبي


هلا حبيت اكتب لكم قصة حب و إلي اسمها " أحبك موت ياللي سكن وسط قلبي " ، و طبعاً من أقلامي ، انشاءالله تعيبكم ، و أول مرة اكتب هع ......

البطلة هي " خلود " و البطل " عبدالرحمن" بس يدلعونه ( حمني )

و بعرفكم ع الشخصيات : -

سارة ، شما ، فاطمة – خوات خلود
و محمد ، أحمد ، خالد ، عبدالله – أخوان خلود


خلود : مرة حلوة و سادس عيال " أبو و أم حموود ( محمد ) ، طيبة و مغرورة و دلوعة و شيطاانة و بعض الاحيان شريرة و عصبية و مينونة يعني افهمو ياخي مب يعني مينونة مينونة يعني شوية مينونة هووع المهم فهمتو عمرها 17 و متوسطة الطول و ملامحها رايح ع أخوها خالد .

سارة : هي اكبر وحدة من كلهم عمرها 25 متزوجة من ولد عمها و عندها ولد و بنت تويمز ( رشود ، الريم ) ، حلوة و ماشاءالله على أخلاقها ..
رشود عمره 4 و الريم 17

فاطمة : حلوة بس هادية و ما تحب تظهر يدام الاولاد وايد ، يعني بالاختصار احسن من كل خوانها و خواتها و بالاخلاق تشبه اختها سارة .. و عمرها 19


محمد : اكبر واحد من كل خوانه عمره 23 مخطوب و قريباً بيتزوج ، و يشتغل في شركة أبوه .. طويل و وسيم و كل يغازل خطيبته إلي هي ربيعة فطووم ..


أحمد : أحلى من كل أخوانه بس خلود أحلى منه و هو عمره 18 ، و مغرور و دايماً يلعوز اخته خلود ..



خالد : حبوب و حليو ، عادته يشرب بيبسي قبل ما ينام ( مدمن الاخ ) ، و عمره 18 بس اكبر من أحمد ابشهرين ، مشكلته مايقدر يشل عينه عن البنات ..

شما : خبله دايماً تتضارب ويا عبدالله ، ما ينقصها الجمال و عندها حبة خال على خدها .. بس لسانها طويل شوي .. عمرها 14


عبدالله : مغازلجي ، طويل حلو شكله طويل الخشم ، و يحب يتضارب ويا أخته شمووه .. و عمره 15 ..


أما عائلة عبدالرحمن :-

مريم ، نورة – خواته
بدر ، حمدان ، جاسم – خوانه

جاسم : اكبر واحد و عمره 27 متزوج عنده بنتين و ولد ( سويلم ، هدى ، و مي ) .. بس زوجته الله يرحمها توفت يوم ولدت مي ..... اجتماعي بس ما يضحك وايد .

و سويلم عمره 17 و هدى 13 و مي 3

نورة : أكبر من كل اخواتها عمرها 22 ، حبوبة مسولفجية ، و 24 ساعة ع مسن ، حلوة بس سمرة و عيونها وساع عسليات .. تحب ولد عمتها ( فارس ) ..


حمدان : عمره 21 ، دايماً يلعوز مي بنت أخووه ترى مي ملثمة هع ، كل بنات يموتون عليه بس هو طااف ...

عبدالرحمن : عمره 18 ماشاءالله حليو ، دلوع ، شعره لين ذقنه ، و دايماً يلبس كاب ..

مريم : ما تحب ترمس وايد ، طيوبة ، ما ينقصها الجمال .. عمرها 12 .. صف سابع تحب رسوم ( جاسوسات ) لانه ودها اتكون جاسوسة ( يا اخت غيبة و نميمة مب عندالنا هع ) ...

بدر : توأم مريم ، حليو بس هو مغرور و رز ..

و طبعاً قوم خلود يعيشون في دبي و قوم حمني في بوظبي


،’


البارت الاول


في الامارات ، بين العائلة سعيدة ما ينقصهم السعادة و اشواق و الاحاسيس .. هناك يوجد عائلة خلود ....

في بيت قوم خلود : -

أم حمود : خلودوه ، خلودوه ( تزقر خلود )

خلود حاطة السماعة في اذنها و تسمع اغاني ، جان تي أمها :

أم حمود : يا طفسة انا صوتي راح من ما اناديج و شو ها هاتي هالسماعات .. جان تشل السماعات ..

خلود : ماما شو والله الاغنية حلوة خليني اسمعه ..

أم حمود : ماشي سيري قوم رشود يايين ..

أول ما سمعت اسم رشود جاان تشرد ع غرفتها و تتعدل

بقولكم شو لبست :

مخور ازرق مزين ابورود لايق ع جسمها و حطت قباضة لون ازرق ترى شعرها مدرج و نزلت شعرها ع قباضة و كأنه تسريحة و طلعت قصتها و حطت جلوز لون وردي و جحال و مسكرة و تعطرت و تدخنت ،، جان تنزل من الدري جافها أخوها أحمد و جان يلعوزها

أحمد : هلا والله بالخسفة

خلود : حرمتك الخسفة

أحمد : إييه عن الغلط فديتها حرمتيه احلى عنج

خلود ( جان تسوي حركة مالت تدرون كيف صح ) : مالت عليك و على حرمتك


أحمد : مشكلة عيال البدو


خلود : جب يالهرم أجلب ويهك تراني بروح بيلس في الحوي لين ما يون قوم رشوودي ، و جان تسير عنه ..


أحمد : يا جلبه هم وصلوا و يالسين في الصالة ..


خلود : والله بروح بجوفهم ، و صاارووووخ لين الصالة ..


رشود : كلوووووووووووووود ، جان ينقز في حظنها و يبوسها ..


خلود : هلا حبيبي اشحالك ، نزلته و راحت عند أختها ..

سارة : هلا والله بالاخت الفاضلة ،، وين كنتي و نحن من صبح بإنتظارج ؟؟

خلود : عيوني كنت يالسة اتكشخ هع ، و جان تروح حذالها و تبوس راسها ،، فدتج والله لج وحشة ..

أحمد : اسمعو المصرية شو تقول ...

خلود : جب ما يخصك حيوان
أم حمود : اييه شو هالالفاظ الوصخة يلا نشو و خلود سيري ازقري خواتج و البسو عبيكن ترى بنروح في عزبة قوم حمني ( عبدالرحمن ) ...


خلود : انشاءالله .. و جان تروح فوق و دخلت غرفة فطوم .. و فطامي و شميم كانو يالسين يجوفون التلفزيون ..

فطوم : يعني ما تعرفين كيف تدقين الباب ؟؟

خلود : لا علميني ،، بس قبل ما تعلميني نشو يلا و البسو عبيكن ترانا بنسير في عزبة قوم حمني ..

شميم + فطيم : اوكي ..


و راحت خلود لبست عبايتها و تعطرت و لبست كعب عالي لون ازرق عليه وردة متوسطة الحجم بلون الذهبي ..

و كلهم طلعوا و دشو السيارة :

خلود و أحمد و عبدالله و شميم و رشود في حظن خلود و مستانس في سيارة أبو محمد ..

أم محمد و ساروه و الريم و فطيم وحمود في سيارة زوج ساروه ..


عندال قوم خلود رشود واقف في حضنها يالس يرقص

أحمد : عاشو يابس يابس رشود رشود رويس ..

جان رشود يسوي رويس أندق راس خلودو ع السيت ..

خلود : يا حيوان أحمد خله ع حاله

أحمد : انشاءالله ،، و جان يقرص خلود
خلود : يا هررررررررم يعور والله


أحمد : رقيقة الاخت


خلود : رقيقة و غصباً عن ويهك

و دقايق جان وصلو العزبة و طلع حمني برع العزبة و جان يجوف بنت عيونها ظاهر بس و ماسكة ولد جان يجوفها لين ما طلع أبوه

أبو حمني : هلا والله بأهل الخير نورتو العزبة

كلهم : بوجودك يا غالي ..

جان أحمد يلتفت عند حمني و يجوفه كيف يجوف خلود و خلود منزلة راسها ،، جان يروح يدام حمني و يقول :

وينك يا اخ أجوف عيونك يجوف أختيه

حمني : ها .. ها .. لا .. يلا دشو داخل ..

و عقب دشو جان مي تنقز عند رشود و تمسك إيدها و يروحون يلعبون ..

قوم خلود : السلام عليكم يا غاليين ( ترى حمني أخو أبو خلود يعني حمني ولد عمها ) ..


قوم حمني : و عليكم السلام ..


و جان يروح عبدالله و يتخاشم ويا حمني و ويا الشباب ..

نورة : والله اشتقت لج وايدات يا راعية دلع ( تقصد خلود )

خلود : فديتج والله و أنا أكثر و أخيراً اجازات لت فكرين احينه بي بيتكم كل يوم ..

حمني : عن نمل من فيسج ..

خلود : جب

كلهم : هههههههههه

أم حمني : حبيبتي سيري طلعي عبايتج و نورة أمي عطيها شيلة مال بيت

نورة : انشاءالله أمي

حمني في خاطره الله فديت هاي البنت بجوف ويها و أخيراً الله أعلم كيف ويها عن يكون تشبه أم خمااس ههه خلنا انجوف انزين ..

جان خلود طلعت عبايتها و نورة عطتها شيلة و خلود لبسته و نزلو تحت ...

حمني : ماشاءالله ، حسبتها خسفة طلعت قمر 14 ..

عبدالله : اييه ع شو ناوي انته

أحمد غمز حق حمني : أكيد يبا يغازلها ترى عادي عندي عطيتك تصريح ..

خالد : لا والله هب ع كيفك ..

و جان يأذن الظهر و راحو الشباب عسب يصلوون في المسيد و البنات في العزبة جان خلود تقول :

إيييه بنات شو رايكن نلبس ملابس اولاد و نتلثم و نروح نيول ..


فاطمة : مب زين ما تعرفين انه عيب البنت تتشبه بالولد ..


مريوم : اسمعو المطوعة شو تقول ..
نورة : ما عليه بس من وين نيب الكنادير و الغترات ....

خلود : كانت يالسة تفكر جان تقول : فكرررررررررررة


الكل : شووووو ؟؟


خلود : نورو ايبي كنادير خوانج و الغترات أحمدووو يابه وياه عسب بنتم هنيه يومين ...


الكل : هييييييييييييه


نورة : اوجي ،، جان تسير تيب كنادير و خلود راحت تيب غترات


نورة : خذو كل وحدة تشل واحد ، و بالعماد شلت مال حمني فخلود شلته و الكندورة كان مكتوب عليها ( حمني ) في الورى ..


و خلود عطت غترات حق كل وحدة

فتلثموا و طلعو في الحوي يويلون و شغلو اغنية آهٍ من قلبٍ غدى حبه جنوني ،، جان يسمعون ان حد يدق الباب كلهن يلسن بس خلود كانت تيول ولا دارية في العالم ...

جان يدش عليهم حمني و أحمد :

حمني : خيييييبه منو هاي إلي ترقص

خلود : الحلوة ترقص

أحمد : يا خايسة ها غترتي ..

حمني : خلها اقولج يا حلوة ابي اسوي شرط وياج
خلود : و شو الشرط ..

حمني : أنه انا و انتي نيول و نجوف منو بيفووز و إلي بيفووز بيحصل ع جائزة شوو رايج ؟؟

خلود : اكيد انا بفوز و يوم بفوز لازم تخدمني لمدة يومين ..

حمني و يطالع خلود بنص عينه : و ليش كل هالغرور .....


خلود : كيفي ..

حمني : في جيبج يا سبالة المهم اذا انا فزت عيل ابيج تبوسيني ....

و الكل بصوت عالي :– شوووووووووووووه

حمني : بسم الله كليتوني قلت ابي بوسة اذا فزت عليج ....

أحمد : عاشوووو هب بوسة بوسات عادي عادي أنا اخوها ما عليه لو انشاءالله امية بوسة ما عليه هههههههههههه

خلود : اصلاً ما يحتاي الكل يدري اني انا بفوز شو رايكن بنات ؟

البنات : هييييييييييييييييه

و جان يزقر أحمد الشباب و البنات كلهم و اليهال ، و شغلو اغنية آه من قلبٍ و بدو يويلووون و صريخ واصل لين آخر شي و تصفير و جان تطيح غترة حمني بس خلود شلته منه و جان ترفعه و تعقه بس حمني ما عليه من كلام تم يويل و خلود تيول و بدت خلود تغني ويا الغنية ( آه من قلبٍ ) و بعدين أحمد جان يدزها ع حمني بس هي يودت عمرها و كملت و حتى حمني و حمااااس عندالهم و حمني قال : و منو علمج اليوله .

خلود : والله البويات ما يقصرن

الكل : هههههههه

جان مي تقول : آشو آشو يابث يابث أحبث كالو كلود


رشود : هييه أمي حمنثني فوووذ أليها انته كوي ( هيه عمي حمني فوز عليها انته قوي ) ...


الكل : ههههههههههه

و خلود و حمني يالسين يويلون و جان خلود و حمني حطو ريلهم ع بيعض يعني داسو ع ريول بعضهم شوية و بيطيحوون بس حمدان ما يقصر جان يمسك خصر خلود و وقفها مرة ثانية و حمني طاح بس قام مرة ثاانية و شوية كان بينقز ع حمدان ( يغار الاخ ) هع ، و كلهم عاااااد صريخ صرااخ .... بس محد منهم استسلم يكملون و خلود تيول و جان تفر المسدس فوووق بس حمني قاال :

تتحديني انا براويج ( جان يفر المسدس و مسسكه جان يلفه و يلفه )

بس خلود ما تقصر سوت مثله و تمو يويلوون و الصريخ عاالي ماشاءالله ....


كــــــــــــــــــــــــــت


شو تحسون منو بيفووز ؟؟

ليش حمني غار يوم أخووه وقف خلود مرة ثانية ؟؟

خلود اذا خسرت بتبوووس حمني ؟؟؟؟؟


و انشاءالله باجر بكمل لكم اذا قدرت

بكمل اذا رديتو ع القصة و انشاءالله تعيبكم ....
اجوفك بااجر ......